زرداری کہیں کے

ہمیشہ کی طرح اس بار بھی ہم
نچھاور تیرے عہدِ دلنشیں کے
اگرچہ جانتے ہیں’ بوجھتے ہیں
بدل جاؤ گے’ زرداری کہیں کے

ناسپاسی

نغزگوئی کہیں کہ تکبندی
تیس برسوں سے لکھ رہا ہوں میں
ناسپاسی سے لگ رہا ہے ظفر
جیسے پرسوں سے لکھ رہا ہوں میں

تازہ گنڈیریاں

ایسا بھی کیا کہ چہرے پہ بارہ بجے رہیں
ایسا بھی کیا کہ منہ کو سُجائے رہو میاں
رکھو گے یاد تلخیٔ حالات تابہ کے
چوسو مرے کلام کی تازہ گنڈیریاں